Transcription
1
Nous sommes aussy bien marrys, monsieur le vybally, seigneur
2
et pairs de ce païs, de ce que nous avons mandé lettres de
3
tranquillité et du pays ; despuis, il a succedé tout au contraire ;
4
toutesfoys pour alors on ne pouvoit faire au contraire et sommes
5
bien hereux quand la pleu à votre seignourye nous faire entendre
6
ung petit de votre bon volloir car, quant à la part de messieurs Jusyan
7
et les aultres, il ne remandent encore aultre chose, attandant
8
quelque aultre chose de noveau ; et ny a que moy en Molines
9
en poyne par les gens de la novelle opinion car, après cestre
10
saysis de leglise, lavoyr pertusé à plus de vingt ou trente
11
pertuys de canons et faict de barbocanes au clocher pour soy deffendre,
12
il se sont saysy de la mayson claustrale après lavoyr pertusé
13
à leur fantesie pour y prescher, puis ilz ont ruyné le grand’oye
14
bruslé ou bruslent tous les jours ce quilz nont volu porter
15
à leurs maysons ; après tout cela, ce sont saysy de tout mon
16
bien quilz ont peu trouver comme bled, linge, estaing et ferraneries
17
que apartient à une maison, livres et plus que je ne
18
scauroys dyre et du salaire de lestol quilz mavoyent promis,
19
ont encores imposé tailhe à ladite cure et la me font
20
poier maugré les catoliques. Parquoy, suyvant le consel de
21
mon maistre, mesier Jusyani, tant pour le repos et tranquilité
22
de la repub[lique] et comandemant du roy notre seigneur, monsieur
23
de Gordes, d’Ambrun que votre charge, quil plaise à votre bonté
24
et seignourie que ex officio mander quelques empechementz
25
ou inhibitions ausdits consulz de ne mempecher ou troubler
26
suyvant le bon voloir de Notre Seigneur, car il est impossible
27
poier decimes et tailhe, ce que je navoys jamays faict,
28
car sy je suis contraint à le faire, je serey contraint quicter le
29
[223 V°] lieu du tout, combien que nous layons quicté par le present
30
à cause de ses troubles et nous soions retirés à St Veran
31
avec que quelques ungz de Molines et là y vont tous les
32
catoliques de Molines au preche et au service de Dieu
33
à sy grand nombre que cest ung plaisir et faict grand
34
mal et grand bien à le veoir, et ceulx de la
35
novelle opinion penssant avoir aboly tout nont sy
36
grand despit quilz menassent encores faire davantage.
37
Parquoy, etc …
38
Votre serviteur, claude Martin
39
prebstre indigne et curé
40
de Molines